It was on a Lammas night,

When corn rigs are bonie,

Beneath the moon's unclouded light,

I held away to Annie:

The time flew by, wi tentless heed,

Till 'tween the late and early;

Wi' sma' persuasion she agreed

To see me thro' the barley.

CHORUS

Corn rigs, an' barley rigs,

An' corn rigs are bonie:

I'll ne'er forget that happy night,

Among the rigs wi' Annie.

The sky was blue, the wind was still,

The moon was shining clearly;

I set her down, wi' right good will,

Amang the rigs o'barley

I ken't her heart was a' my ain;

I lov'd her most sincerely;

I kissed her owre and owre again,

Among the rig o' barley.

CHORUS

Corn rigs, an' barley rigs,

An' corn rigs are bonie:

I'll ne'er forget that happy night,

Among the rigs wi' Annie.

I locked her in my fond embrace;

Her heart was beating rarely:

My blessings on that happy place,

Amang the rigs o'barley.

But by the moon and stars so bright,

That shone that hour so clearly!

She ay shall bless that happy night,

Amang the rigs o'barley.

CHORUS

Corn rigs, an' barley rigs,

An' corn rigs are bonie:

I'll ne'er forget that happy night,

Among the rigs wi' Annie.

I hae been blythe wi' Comrades dear;

I hae been merry drinking;

I hae been joyfu' gath'rin gear;

I hae been happy thinking:

But a' the pleasures e'er I saw,

Tho three times doubl'd fairley

That happy night was worth then a'.

Among the rig's o' barley.

CHORUS

Corn rigs, an' barley rigs,

An' corn rigs are bonie:

I'll ne'er forget that happy night,

Among the rigs wi' Annie.